Er með syndróm - Thoracic outlet syndrome. Öðru nafni músarveiki sem er írónískt heilkenni að hafa á ári rottunnar. Ég las mér til að ein lækningin felst í að sprauta botox í mig svo ef ekkert skánar á næstu vikum er víst að ég fari í svoleiðis læknisleik og læt þá bæta aðeins í nipplur og varir.
Af góðum fréttum er það helst að ég fékk tvo auka daga í frí á árinu fyrir að halda tryggð við vinnuveitendur mína í meira en ár. Í hverfulleik nútímans telst ár til langtímaskuldbindingar.
Annars er ég svo glöð alla daga núna að ég ætti fyrst og fremst að greinast með up syndróm. Þennan brandara fatta víst fæstir - nema Petra því hún fékk forskot á fattið.
Engin ummæli:
Skrifa ummæli