Landsliðsæfingar hefjast á morgun á ný.

Mamma og pabbi fá að þann heiður að sjá mig spila landsleik á móti UCLA háskólanum en stuttu síðar tekur Hong Kong þátt í Asísku meistaradeildinni og keppir við Kína, Tæland, Singapore og Kazakstan.

Í KAZAKSTAN!!

Já, ef ég held nú ökklunum ósprungnum og mæti á æfingar eru allar líkur á að ég verði fyrstu helgina í júní að keppa við rússneska togarasjómenn í kvenmans formi í rúgbý svo hjálpi mér allir heilagir. Ég hlakka mikið til að komast á svona framandi slóðir sem ólíklegt er að ég færi á ef ekki væri fyrir boðsmiða frá Hong Kongíska rúgbýsambandinu.

Vonandi er ekki snjóþungt í Kazakstan og voða væri gott að sjá kunnuglegt andlit á hliðarlínunni að styðja okkur, Borat væri bestur. Aðrir sem eiga leið um þennan heimshluta í júni eru velkomnir á völlinn, sérstaklega RÚV.